هل تخش بعقلكم لو قيل لكم:
- ان هناك رجلا لم يقد دراجة هوائية بحياته، وان قادها فلا يترك حجرا او بشرا الا وردمه، يلقي محاضرة بسوّاق التريلات يعلمهم قواعد السياقة الصحيحة؟
- وان رجلا صبغ شعره اسود فاحما يخطب بالناس: إياكم والخداع فأنه عار كبير وشر مستطير؟
- وان من لم يستطع حماية زوار الإمام الكاظم من الإرهابيين على مدى سنين ممكن ان يذهب لأهل مكة يعلمهم كيف يحمون الملايين من حجاج بيت الله الحرام؟
- وان هناك حاكما بيده كل الملفات مع القاصة وما فيها وقد ترك الإرهاب يسرح ويمرح ليذبح من الناس قرابة 7 ألاف في عام واحد، ومع هذا يريد ان يقود حربا عالمية ثالثة؟!
زين .. لو كان أي من هؤلاء قد أوقعه الله بيد ملا عبود الكرخي، فما الذي سيفعله به؟ اما تظنونه سيقول:
يصير بالخضراء مسموح الشرب
يصير نوري المالكي يمشي بدرب
يصير بأمريكا ويعلمها الحرب
يريد تعلك ثالثة وكونيه
وانه قد يعيد تحرير بعض ما قاله سابقا ليصبح:
يصير بالمنخل تسد عين الشمس
يصير جيب "حميّد" ابجد ينترس
يصير عالم من غبي ياخذ درس
يصير تجرش شلب امريكية
يصير قابل ينعدل بول البعير
يصير أبره بلحظة تحفر بيها بير
يصير هادي العامري بلحظة يطير
يصير تمشي سافرة الحجية
يصير "دولتهم" يحس بالكارثة
يصير شنشولة اتحوّل باحثة
يصير بنچر بالولاية الثالثة
يصير يرجع كري للهندية
بلكي الله!
جميع التعليقات 2
نسرين محمد
تحيه طيبه للاستاذ الفاضل هاشم العقابي صدقني اخي العزيز العراقيين راضين بكل الي يصير بيهم ومقتنعين وابد مايتطورون مادام عندهم حوزه علميه... الجهل المتطور للطم والتطبير ويقابلها مؤسسه دينيه للتخريب والتفجير ودامة ايام العراقيين كلها عويل ولطم .
زيد الخفاجي - بابل
صح لسانك أستاذ هاشم .... صحيح قصيدة قوية على نمط قصيدة المحالات للمرحوم ملا عبود الكرخي ... ياريت لو تبدع لنا بقصدية كاملة على غرارها تشرح فيها سلبيات و فواجع الوضع الحالي في العراق ... تحياتي