أقام مهرجان البحرين السينمائى فى دورته الرابعة، ندوة حول المرأة فى صناعة السينما بحضور النجمة منى زكي، التى تحدثت عن أصعب لحظات حياتها ودخولها في حالة اكتئاب عند تعرضها للهجوم من الجمهور.
منى زكي قالت ": بيبقى في انهيار في الأول وبعد كده بلملم نفسي وبقول أنا عندي حاجات أهم في حياتي وأهداف أهم من أي حد بيحاول يكسرني، هما مش شايفين أنا عايزة أعمل إيه، قعدت في البيت أربع وخمس سنين بتبقى لحظات قاسية بيبقى في انهيار واكتئاب ومن النعم الكبيرة في حياتي زوجي وأولادي هما اللي بيخروجني من الاكتئاب".
وتابعت منى زكي "أي انكسار أو ضياع هما شيء أساسي بالنسبة ليا هما بيحسسوني أن في دنيا تانية وعندي أهداف أخرى في الحياة غير شغلي اللي هو مهم جدا بالنسبة ليا لأني ابتديت اشتغل من وأنا صغيرة أوي، شغلتي علمتني أبقى إنسانة أكتر والكبرياء بتاعي يقل لأنك في لحظات بتكوني فيها فوق في السما وبعدها بتنزلي للبدروم".