طمأنت الفنانة اللبنانية نادين نسيب نجيم، جمهورها ومتابعيها على حالتها الصحية وسلامة أولادها، بعد تعرضها للإصابة نتيجة انفجار المرفأ فى العاصمة بيروت، أمس الثلاثاء. وكتبت نادين، عبر حسابها على إنستغرام، "بشكر ربي أولًا رجع خلقني وأعطاني عمرا جديدا، الانفجار كان قريبا والمنظر مش متل الحكي فعلًا يلي بيفوت عل بيت وبيشوف الدم وين ما كان وكل شيء مكسر ما بيقول انه بعدنا عايشين".
وأضافت، "الحمد الله ألف مرة عطاني القوة أنزل 22 طابق حافية مغطسة بالدم تقدر خلص حالي الناس كلها مدممة جرحى قتلى سيارات مكسرة ناس عم تصرخ وتبكي وقفت سيارة قلتله دخيلك ساعدني كان ابن حلال وصلني على أول مشفى رفضوا يستقبلوني لأنه كانت مكدسة بالجرحى رجع اخدني على مشفى المشرق اسعفوني وخضعت لعملية 6 ساعات لأنه نص وجهي وجسمي مدمم، بس يلي شفته عل أرض صعب كتير ينوصف فعلًا، وكأنه قنبلة نووية، شكرًا يا رب انك حميتني وحمد الله ولادي بخير وسلامة ما كانوا بالبيت، بشكر الله كل لحظة ويا رب ترحم الموتى وتشفي الجرحى".
اترك تعليقك